關於我們
愛一個毛孩，唔應該只係靠運氣。
PetPet.hk｜香港寵物服務比較平台
獸醫、美容、寄養、去邊玩⋯⋯逐項比較，睇真實評價，幫你搵到更適合毛孩嘅選擇。
點解會有 PetPet
我屋企有兩隻貓貓。
由第一日帶佢哋返屋企開始，我就當佢哋係我最親嘅家人。我想佢哋食得好、住得好，想俾到最好嘅生活俾佢哋。
但後來我先發現，原來「俾毛孩最好嘅嘢」，本身就唔係一件容易嘅事。
因為當你真正需要一項寵物服務嘅時候，你會發現，香港根本冇一個地方，可以俾你清楚比較唔同選擇。更加唔容易知道，邊一間先真正適合你嘅毛孩。
試過凌晨兩點，隻貓突然尿血。我一邊安撫佢，一邊喺 Google 上面亂咁搵急診，最後只可以揀一間「睇落應該得」嘅。
試過想搵一間信得過嘅寵物美容幫貓沖涼，又要喺唔同 Facebook Group 重覆問大家有冇推薦。收到嘅答案永遠唔一樣。
每一次，我都覺得我只係揀緊當刻我搵得到嘅選擇，而唔係真正最好嘅選擇。
但我一直都覺得，呢啲決定唔應該咁難。
— Celine Wong，媽媽、飼主、PetPet.hk 創辦人
我哋想做嘅事
將選擇權交返俾你。
當我哋願意花時間、花心機，去俾毛孩最好嘅生活，唔應該因為搵唔到資訊，而被迫靠估、靠問，甚至靠運氣。
所以，我同我嘅拍檔決定用返我哋識嘅嘢，做一件我哋自己一直都想有嘅事：
將香港嘅寵物服務資訊，集中喺一個地方。
由寵物醫療、美容，到其他你照顧毛孩時會需要嘅服務，我哋希望將更多真實、有用嘅資訊交返俾寵主。
因為最值得信嘅，未必係邊間落最多廣告。而係一個又一個真正照顧過毛孩嘅人，願意同你分享嘅經驗。
PetPet.hk 想做嘅，就係將呢個選擇權交返俾你。俾你少啲靠估，少啲靠運氣，多啲資訊，多啲信心。